Պայմաններ և դրույթներ

Languageon ԲԺՇԿԱԿԱՆ ԿԵՆՏՐՈՆԻ ՆՎԵՐ ՔԱՐՏԻ ՊԱՅՄԱՆՆԵՐ

Սույն պայմանները կարգավորում են Languageon բժշկական կենտրոնների կողմից տրամադրվող նվեր քարտերի (այսուհետ Նվեր քարտ) ձեռքբերման, օգտագործման և գործողության կարգը։ Պայմանները վերաբերում են ինչպես ֆիզիկական վայրերից գնված նվեր քարտերին, այնպես էլ languageon.com կայքում ձեռք բերված կամ ակտիվացված նվեր քարտերին ու գնումներին։

Գնորդը և քարտապանը անվերապահորեն ընդունում են սույն պայմանները՝ ձեռք բերելու, ակտիվացնելու կամ օգտագործելու պահին։

1. Ընդհանուր դրույթներ

1.1. Նվեր քարտը հանդիսանում է վճարային քարտ և հնարավորություն է տալիս կատարել վճարումներ Languageon բժշկական կենտրոններում և languageon.com կայքի միջոցով։

1.2. Նվեր քարտը գործում է հետևյալ հասցեներում.

• ք. Երևան, Տերյան 83
• ք. Երևան, Աճառյան 22
• ք. Երևան, Կոմիտաս 20

1.3. Կայքով կատարված գնումները կրում են նույն իրավական ուժն ու պայմանները, ինչ ֆիզիկական վայրերից ձեռք բերված նվեր քարտերը։

2. Վավերականություն, արժույթ և փոխանցում

2.1. Նվեր քարտի վավերականության ժամկետը 6 ամիս է։

2.2. Քարտի արժույթը՝ ՀՀ դրամ։

2.3. Նվեր քարտը ենթակա չէ կանխիկացման, փոխանակման կամ վերադարձի։

2.4. Գումարը չի կարող փոխանցվել այլ քարտի կամ այլ անձի, բացառությամբ այն դեպքի, երբ քարտապանը քարտը տրամադրում է երրորդ անձին, որը լիարժեք ընդունում է սույն պայմանները։

3. Օգտագործման կարգ

3.1. Նվեր քարտը և languageon.com կայքում իրականացված գնումները կարող են օգտագործվել Languageon բժշկական կենտրոնների նշված հասցեներում։

3.2. Նվեր քարտի մնացորդը չի կարող օգտագործվել միջազգային վճարային հարթակներում կամ օնլայն կայքերում։

3.3. Նվեր քարտով կատարվող վճարումները չեն ներառում որևէ տոկոսադրույք կամ լրացուցիչ վճար, եթե այլ բան նշված չէ։

4. Վերաթողարկում

4.1. Նվեր քարտը կարող է վերաթողարկվել միայն նրա վավերականության ժամկետի ընթացքում՝ 2000 ՀՀ դրամ վճարով։

4.2. Վերաթողարկումից հետո քարտի վավերականությունը երկարացվում է լրացուցիչ 1 ամսով։

4.3. Վավերականության ժամկետը լրանալուց հետո քարտը ենթակա չէ վերաթողարկման, իսկ մնացորդը չի վերադարձվում։

5. Կորուստ և պատասխանատվություն

5.1. Նվեր քարտը համարվում է կրողին ներկայացվող վճարային գործիք։

5.2. Կորուստի դեպքում Languageon-ը պատասխանատվություն չի կրում, եթե քարտը օգտագործվել է պատահական անձի կողմից։

5.3. Քարտապանը պարտավոր է հնարավորինս շուտ տեղեկացնել կենտրոնին, որպեսզի կորած քարտը արգելափակվի տեխնիկական հնարավորության սահմաններում։

6. Տեխնիկական խափանումներ

6.1. Languageon-ը կարող է մերժել նվեր քարտով վճարումը միայն այն դեպքում, երբ առկա են ծրագրային կամ տեխնիկական խնդիրներ։

6.2. Գործարքը կիրականացվի տեխնիկական խնդրի վերացումից անմիջապես հետո։

7. Օնլայն գնումներ languageon.com կայքով

7.1. Կայքով կատարված գնումները կիրառում են նվեր քարտի նույն պայմանները։

7.2. Կայքով կատարված գնումներն ունեն լիարժեք իրավական ուժ և ենթակա չեն վերադարձի՝ նվեր քարտի պայմանների համաձայն։

8. Պայմանների ընդունում

8.1. Գնորդը և քարտապանը նվեր քարտը ձեռք բերելով, ակտիվացնելով կամ օգտագործելով՝ լիովին և անվերապահորեն համաձայնում են սույն պայմաններին։

8.2. Քարտապանը պարտավոր է ծանոթացնել երրորդ անձին, եթե նվեր քարտը փոխանցվում է նրան։

9. Վեճերի լուծում և իրավասություն

9.1. Սույն պայմաններից առաջացող բոլոր վեճերը կարգավորվում են ՀՀ օրենսդրությամբ։

9.2. Վեճերը ենթակա են քննման Երևանի ընդհանուր իրավասության դատարանում։

10. Փոփոխությունների իրավունք

10.1. Languageon-ը իրավունք ունի փոփոխել սույն պայմանները՝ հրապարակելով նոր տարբերակը languageon.com կայքում և ֆիզիկական վայրերում։

10.2. Փոփոխությունները չեն տարածվում արդեն ձեռք բերված գործող նվեր քարտերի վրա, եթե այլ բան հատուկ նշված չէ։